天口熱唔想「炳埋」係屋企，於是出街找東西吃。返去細個住過既大埔，仲要去街市樓上既熟食市場，成幾十個檔口，好多野食！
話說小時住大埔的我從來都沒吃過這些……
d豬扒真係好好食呀，醃得好，炸得好，連埋個有大地魚(?)味既湯底，一流！$22
東記上海麵
雖然呢個炸兩等左成廿分鐘，不過都值啦，諗返下我有幾耐冇食過d油炸鬼係脆既炸兩呢？布拉粉皮夠滑有米香，夠薄已經好掂。$10
題外：呢度仲有「炸壹」賣，應該係少一條油炸鬼掛。
人人黎到買砵仔糕，酷愛甜食的我卻一直不喜歡這種又黏又沒甚麼味道只是一味甜的小吃，反而試了馬拉糕，好在佢比左邊位我~ 好鬆軟有d蛋糕香，幾好。$5
有記茶果
好出名(?)的三角批，喜歡的話可以一整個大批買走，來兩次終於試到蘋果批和雞批。雞批那次新鮮熱辣，汁燙口，雞肉多，不「溜」，外皮鬆化，好好吃！
蘋果批那次不是熱食，蘋果清甜，不過因為不熱就失色不少。
睇開飯話呢度d阿姐唔鐘意人地散買角批，又真係喎，不過買返一個個圓形的小批，和出面吃的分別不大喇。
華輝餐廳
個個入大埔都整返碗既豆腐花，熱食計我話係就係滑，滑左落喉嚨，不過豆味真係食唔出喎。另一次終於食凍既，又有返少少豆味，係冇咁滑。不過$5一碗，還想怎樣？
亞婆豆腐花
最後來個好吃的綠茶燒餅，沒想到街坊傳統麵包店會做，而且味道還不錯哦，很香綠茶味，又煙韌，好食過旺角間奇X好多。
煒成
